اجمل الف نكتة عراقية
يابة ترة الاكراد والدليم والمصالوة والناصرية كلهم على راسي وليزعلون وهذه النكات لاجل الترفيه فقط وان شاء الله كلنا واحد
أكبر مجموعة من النكات العراقية
نكـــــــــــــــات الأكـــــــــراد
==============
كردي إنطوه جهاز يكشف الچذب گلوله بس واحد يچذب يصوفر الجهاز صار مفهوم
الكردي گال إي چام الجهاز يصوفر
==============
كردي راح للدكتور گله دكتور ميصير عندي طفل الدكتور گله منو عدكم بالعائلة ميصير عندة أطفال گله أبوية گله لعد إنته منين جيت گله من السليمانية
==============
كردي عنده قرد يوميه ينطي ثريد .. ضاج القرد چان يشمر الماعون مال الثريد بالگاع جان يگله الكردي ولك ليش مو هسه الله يگلبها بينه گال القرد بعد شيگلبها بينه آني قرد وإنته كردي
==============
كردي راح للطبيب ديفحص گله الطبيب عندك سرطان بالمخ گال الكردي عجيبة منين إجاني المخ
==============
كردي باك كردية بالسيارة و گامت تعيط گللها إذا متسكتين ترة أنزلچ گللتله لالا أسكت
==============
كردي كمشوه جماعة أنصار الاسلام عنده فلم خلاعي شلون؟؟ چان حاطه ويه الأقراص الرياضية وكاتب عليه السليمانية 4 البرازيل 1
==============
كردي فرش فراش ونام بصفه حتى من يتقلب ينام عليه
كردي فرش فراش ونام بصفه حتى من يتقلب ينام عليه
==============
كردي اشترى ماطور سجله بأسم صاحبه لأن الماطور كتال صاحبه
==============
كردي أخذوا الامريكان وگالوله إنته تدعم المجاهدين گللهم لا والله بس همة يمشون بنص الشارع
==============
كردي مرته حامل ميقبل تشرب مي ؟ يخاف على إبنه لايزنجر
==============
كردي راح لكربله شافهم معلگين صور الأئمة (ع) گلهم منو هذول ؟ گالوله أهل البيت گلهم لعد أنتو گاعدين نزل؟
==============
كردي راح يشتري دوش گال لابو المحل عندك مكينة اتسوي المي مثروم؟
==============
فد يوم كردي يغني بحفلة والجمهور يصيح -سحابك مفتوح -گال هسة هسة اغنيها
==============
كردي صار ويه القاعدة انطوه قاذفة وگلوله اضرب سيارة أمريكية......... راح ضرب سيارة كابرس
==============
مرة سألو كردي الثعلب يجيب لو يبيض؟ ..... جان يگللهم : والله هازا كلاوچي كلشي يسوي
==============
كردي فتح صيدلية سماها لبن أربيل
==============كردي أشتغل تكسي بالصين كلما يوگفه واحد يگله ولك ملعون مو توني وصلتك
==============
كردي شاف واحد ويه مرته.. جر المسدس عليه..ذاك گال: لك كاكا هذي الكاميرا
الخفيه.. الكردي گال:خره بعراضكم.. ماكو غيري؟.. هاي خامس مره تنكتون بيّه.
==============
كردي هارب.. اشتره جواز مال واحد اسمه حسنين وبدل الصورة..بالسيطرة سألوه شسمك؟ گال: إثنين حسن.
==============
كردي يشتغل بالتنقيب عن الآثار... ديحفر طلعتله طابوگه جمهوري... ركض للمدير يصيح: إستاد.. لگيت الدوشيش مال حمورابي
==============
كردي گللتله مرته: آني أحبك.. گللها خلي علاقتنه صداقة بس
==============
كردي سأل شيخ عشيرة دليمي، گلله: إشكد عمرك إمحفوظ؟ گلله الشيخ:42.. گلله الكردي شلون صدفة.. نفس قياس الگيوه مالتي.
==============
كردي ما يفتهم بالرياضيات.. گام طيّر الأوراق.. گالوله: ليش؟گال: حته افهمها وهيه طايره
==============
كردي اشتره حذاء ضيگه.. گالوله: ليش؟ گال لو تدرون شلون ارتاح من انزعها
==============
كردي سمع أكو حقل مزروعه بيه ألغام...راح ثاني يوم يسگيهن.
==============
كردي شاف وحده حلوه راكبه بالتاتا... نزل أخذ رقم التاتا
==============
كردي گالوله اشسميت ابنك؟ گال مامستعجل... گالولي راح تنزل حروف جديدة.
==============
كردي عزموه على حفلة تنكرية.. دز أخوه ابداله.
==============
كردي دخل لمحل تجهيزات رياضية گله كاكه ماعدكم أحذية مال هجوم؟
==============
كردي طلع گول عله فريقه.. كال أقربلي.
==============
كردي سمع إنه أهل الفلوجة مسويلهم چم عملية.. گال: شنو يعني؟ صباح اللبنانية وحدها مسوية عمليات أكثر منهم.
==============
كردي لگه كنز.. گال: بقت بس الخريطة.
==============
كردي سمع انه الجزر يقوي النظر.. راح اشتره گونية جزر وگعد يتباوع عليها.
==============
كردي ودة البغل للضريبة العامة.. شبعوه كتل...گال: والله حسبالي الزريبة.
==============
كردي سأل صاحبه: هيه مصر بعيده؟ گله: ما أعتقد، لأن المصري اللي بصف محلي يوميه يجي عالبايسكل.
==============
كردي حزّر صاحبه، گله: إذكرلي إسم حيوان برمائي.. گله: تمساح.. گله: بعد حيوان ثاني.. گله: تمساح ثاني
==============
أكراد ديسوون دعاية ببسي.. واحد يشرب والثاني يگله: بقيلي شويه ... بقيلي شويه.
==============
كردي مستعجل حيل أجر تكسيين.
==============
كردي سمع مرته تطلگ وتصرّخ... صاح: أني السبب... أني... أني موغيري.
==============
كردي گال لإبنه: بابه روح إسگي الحديقة.. گله بابه مو دتمطر الدنية.. گله ميخالف بابه أخذ شمسية وروح.
==============
كردي سأله شرطي المرور: ليش ما رابط الحزام؟.. گاله: مو لابس بنطرون أبو الحمالات.
==============
كردي دخل أول ليله على مرته.. إستحت.. گال: ليش الأخت أول مره معرسه؟
==============
كردي سأل صاحبه: صدگـ أزاد نامق أخو أوراس عثمان؟...گله: لا بس تشابه أسماء.
==============
كردي گلوله: شسمهم أخوانك التلاثه؟.. گال: كلهم أزاد ماعده فرهاد وبختيار.
==============
طفل كردي ضيع أمه بالسوگـ.. سأل واحد گله: ماشفت مريه تمشي وما وياهه واحد يشبهني؟
==============
كردي لازمله ثلجايه ويگول: والله أموت لو بس أعرف منين مزروفه؟
==============
كردي ديخطب.. قدموله جگاره.. گال: لاوالله ما أدخن بس ويه العرگـ
==============
كردي زوجوه أهله.. گعد الصبح گل لأمه: يمه خليها تنام عدنا بعد.
==============
كردي راح يعزي جماعة.... گلهم مع الاسف يعني ماكو أمل يرجع؟
==============
كردي مات أبوه.. إجه صاحبه يعزيه گله: الله ينطيك الصبر.. گله: لا، عادي.
==============
كردي خطب بنيه.. گله ابوها: مو البنية هسه تدرس.. گال: زين أروح فد ساعة وأرجع؟
==============
كردي إتهموه بسرقة سيارة..گال: ماكو هيچ شي... فتشوني.
==============
كردي سأل صاحبه: اليوم سبت لو أحد؟ گال:الأثنين.. گال: سبحان الله.. چفته وحده
==============
كردي راح لطبيب عيون گالّه: دكتور من أغمض بعد ما أشوف
==============
كردي گال لمرته: اليوم تخرجت من الكليه.. گالتله: ليحسدوك عله ذكاءك.. دُگـ الخشب.. گام دگـ عالقنفه.. گالت: منو؟.. گالها:گعدي إنتي..... أني أفتح الباب.
==============
كردي بالخارج وزعلان ويه عائلته..دزلهم رساله فارغه.
==============
كردي محشش كمشوه الشرطة گالوله : تفضل بالسيارة ويانه..گال:لا شكراً بيتي قريب.
==============
كردي خابر الشرطة گالهم:أكو حادث بيه خمسين سيارة مگلوبه.. إجوا لگوه يخابر من يم السكراب مال كسره وعطش.
==============
كردي صيدلي إجاه واحد گال له: عندك دوه للصراصير؟ گال له:خير شبيهن؟
==============
كردي حشاش دينظم ميزانية المصروفات گال:هاذي ألف للكهرباء.. هاذي للأكل.. هاذي للعرگـ.. اندگت الباب رأسأ.. وإذا الشرطه.. گام رأساً شگ فلوس العرگـ
==============
كردي سوه دعوة سرقة سيارته..گالوله:شگد رقمها؟ قال : والله ثمنتالاف..ثمنتالاف وثمنميّه.. بهل حوالي.. المهم أقل من تسعميه.
==============
كردي انباگت سيارته..ركض وراهه ورجع گال:هم زين أخذت رقمها.
==============
كردي سال أبوه: بابا منين چنتوا تشربون ماي گبل؟.. گال أبوه: من العيون إبني.. گال: بابا لعد ليش هسه من الحلوگـ
==============
كردي ديسوق دعم اللي گدامه..نزل ذاك گال له: شنو ماشفتني؟ گال: والله شايفك.. بس ما أتذكر وين.
==============
كردي ويه صاحبته بالكازينو..أنگطع الكهرباء..گالتله: يلله إنتهز الفرصه....گام شرد بلا ميدفع الحساب.
==============
كردي فتح باب السيارة يريد ينزل شاف المطر قوي.. سدهه ونزل من الباب الثانيه.
==============
كردي رادوا يعذبوه انطوه ورقه مكتوب عليهه من الوجهين (إقلب الصفحه)
==============
كردي راح ويه صاحبة يفولون بانزين گله مادام السره طويل أروح لذاك الكشك أجيب ببسي إليه شجيبلك وياي گله: اللي يعجبك.. راح جاب ببسي إله وقلم جاف لصاحبه.
==============
مدرس سأل طالب كردي گاله: أبوك شگد عمره گال ما أدري أستاد بس هوّه من زمان عدنه.
==============
كردي وگع من جبل...صاح.إلحگوليييييييي..چيتوا الاكراد كلهم وراه
==============
كردي شاف گشر موز بالشارع گال:أوهوووو..شلون شغله ؟ هم راح نزلگ
==============
كردي گال للدكتور :دكتور كلما أشرب چاي عيني توجعني..گله الدكتور من تشرب الچاي وخّر الخاشوگه.
==============
كردي سكن بالرمادي گال له جاره: عود فنجان الگهوه مالتك يمي گال الكردي: أي والله يمكن واحد من الجهال شمره عليكم.
==============
كردي يسبح بالشط ويندعي: يا إلهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..الكردي غمزله وعضله شفـّه.
==============
كردي طلّع الصوبة برّه البيت.. گالوله ليش؟ قال :مو برّه أبرد من جوّه.
==============
كردي راد يبدل الگلوب ركب على چتف مرته وگاللها يلله افتري.
==============
كردي سألوه شتسوي إذا ردت تصيد أرنب ؟ گال: أقلد صوت جزر.
==============
كردي يلعب برمانه يدويه.. گالوله :ماتخاف تنفجر؟ گال: عدنه هوايه بالبيت.
==============
كردي گالوله شنو رايك إذا نوال الزغبي طلبت منك تنام وياهه؟ گال والله إذا مو كلش نعسان ما أگدر.
==============
كردي گالوله شفنه واحد راكب ويه مرتك بالسيارة ومرتك تسوق بسرعة طايرة ،گال: لاتخافون عليها.. شاطره بالسياقة.
==============
كردي گالوله الحگ مرتك تخونك بالبستان ويه صديقك.. راح ركض ورجع وره شويه گال:مناعيل الأهل هنّه شجرتين.. سووهن بستان..وچماله الولد طلع لا صديقي ولا أعرفه.
كردي يصبغ السگف بالبويه گالوله:خلي جريدة جوه رجليك.. گال لا ميحتاج... أنوش.
==============
كردي عنيد.. صاحبه دگـ عليه الباب گال: منو؟ گال:أني .. گال :لا مو أنته.
==============
كردي بالحرس الوطني گالوله: من تشوف الملاّ.. تضرب واحد وعشرين طلقه..گال: وإذا صوبته بأول وحده...أكمّل الباقي؟
==============
أكراد ثنين مساجين خططوا يكتلون الحارس ويهربون راحوا شافوا الحارس ماموجود رجعوا گالوا: خربت الخطة
==============
كردي دعم أثنين بسيارته واحد مات والثاني متكسر.. گام المتكسر يصيح.. گال له الكردي شبيك تصيّح أشو هذاك مات وكلشي ما گال.
==============
كردي راح يعزي صديق بوفاة والده، سأله وين مكان الضربه بالمرحوم گال فوق عينه.. گال هم زين ماجت بعينه.
==============
موبايل كردي مغلق : هازا الرقم اللزي زربته ماموجود ممكن تدق فد شويه.
==============
كردي بليلة الدخلة ما عرف اشلون يبدى الكلام ويه عروسته گالها: اهلچ يدرون انتي تباتين عندنا اليوم؟
==============
كردي مرته جابت توم.. گلها: الأول مني الثاني منين
==============
كردي بالنجف ..شاف جنازه ، فراد يگول: انتم السابقون ونحن اللاحقون، مادبّرهه، فگال (انت يروح وبعدين انا يجى).
==============
كردي اشتره حذاء , فگال له أبو المحل : تره أول تلتيّام راح يضوجك بالمشي .. گام لبسه رابع يوم.
==============
كردي باگـ بطه من جيرانه.... ثاني يوم الصبح شافه جيرانه ... گال له:صباح الخير .... گال له يابطه؟
==============
الأكراد سووا مظاهرة تضامن مع الفلسطينيين.......... لبّسوا واحد منهم ملابس شارون، وحرگوه.
==============
كردي ضيع مفتاح سيارته اجوي الناس يساعدوه، فتحوله باب السياره بالدرنفيس، گام سوه نسخة من الدرنفيس.
==============
واحد گال لابو الصيدلية الكردي: أريد فد مرهم لابني الزغير.. الصيدلي گال له: واني اشتم گفه إيدي؟ غير تگوللي شسمه؟.. گله:آزاد.
==============
كردي دعمته سياره، سأله المحقق(هم كردي )شگد رقمها؟ گال: 2499 گله المحقق: يعني گول 2500
==============
كردي شاف واحد غرگان ويصيح: ياناس ياعالم ما أعرف أسبح.. گال له: عبالك بالصياح تگدر تتعلم سباحه؟ لا بابه لا..عافه وراح.
==============
كردي لازم فردة حذاء ويعامل أبو المحل: كاكا بيش هاي الحذاء؟ كال له: بسبعتالاف.. كال له: زين واذا اخذنه الفردتين متنزللنه شويه من السعر؟
==============
طسه بشارع بالسليمانية..... كاتبين وراهه : أنتبه !! ورائك مطب.
==============
كردي إجه يدخل للبار، شاف مكتوب: ممنوع الدخول دون 18..... راح جاب 17 واحد وياه
==============
كردي عالبحر مغمض ويغني.. گالوله: الظاهر إنته منسجم؟ گال : لا .. من كلار.
==============
كردي صار شيعي... گالوله:لازم تصلي عالتربة.... گال: أللهم صلي عليها وسلم.
==============
كردي راح ضيف يم شيخ الدليم.. صاح الشخ: جيبوله دليمية.. الكردي كيّف... گال: أي والله... صار مدة مامتونس.
==============
معلم يدرس أكراد... يكتب وهمه يكتبون وراه... مسح السبورة، گاموا كلهم مسحوا الدفاتر.
==============
كردي سمع كلمن يموت بساعته.... گام كسرها.
==============
كردية رادت تكتل رجلها.... حطتله مسدس بالشوربة.
==============
كردي راح لمكة... شاف الناس تشمر حجار... گام جاب تاير وحرگه
==============
لبناني تزوج كردية: گلها: صحيني بكير وقليلي بيضتين... هيه همينه الصبح گللتله: إكعد... بيضتين.
==============
كردي راح للدكتور گله: دكتور عندي مغص قوي.. گله الدكتور: طيب إنته ماكل شي ؟ گله: شنو دكتور قابل أريد أجربك؟
==============
كردي مات أبوه گال للدفان: بيش أرخص گبر؟ گله: بتسعين ألف.. گله : زين وإذا الميت من عدنه؟
==============
كردي سألوه شتحب اتصير بالمستقبل گال: خبير روسي.
==============
اكو 16 كردي أجرو شقة كل أسبوع يطردون واحد ليش؟ ديقلدون ستار اكاديمي
==============
كردي احترگـ محله ، گالوله : خو ماخسرت هواية؟؟ گال :لا.. الحمد لله چنت مسوي تنزيلات.
==============
كردي فاتته التاتا.... لحگها بتكسي.
==============
كردي راح لطبيب أمراض زهرية.. گله: دكتور... زهري يوجعني.
==============
عشرة أكراد خطفوا طيارة فارغه واتصلوا بالحكومة وگالوله إذا ماتنفذون مطالبنه تره كل ساعه نقتل واحد منه.
==============
مدرس سأل طالب كردي گله :إبني شتصير من تكبر؟ گله: شايب.
==============
كردي سألوه شنو رأيك بالزواج المبكر ؟ گال:والله كلما من غبشه أحسن.
==============
بإنفجار مقر الأمم المتحدة ببغداد راح كردي يدور على صديقه، فوگف يم واحد صيني متمدد عالسدية ويصيح (شن شان شو شي شا...) گال الكردي يمكن ديوصي خلي أكتب الوصية... فلما مات الصيني أجوي يقرون الوصيه لگوا الترجمة تگول( ولك وخر رجلك عن صوندة الأوكسجين تره راح أختنگ وأموت).
==============
واحد گال للحلاق: تره صارلي ساعتين هنا، الحلاق كردي ..گال له: شنو يعني؟ اني صارلي سنتين هنا.
==============
كردي عطس يم مصري ، ترس وجهه تفال، المصري گاله : إنته أرفتني، گله: والله ..يمكن أأرفك بس ناسيك؟
==============
واحد اشتره سياره رقمها سليمانية يوميه يلگه تايراتها فاشه.. فد يوم ظل سهران يشوف منو ..طلع جيرانه الكردي يفش بالتايرات ويشتم الهوه ويصيح: أفيشششش هوه سليمانيه
==============
فديوم امريكي وكردي فالامريكي كله للكردي وين وصلتو بالتطور كله الكردي احنه رجعنه لعصر الالات فالكردي سال الامريكي كله انتو وين وصلتو بالتطور كله الامريكي احنه وصلنه اذا يعطل القمر الصناعي انصلحه صفن الكردي وكال ايبااااااه لعد الدرنفيس مالكم اشطوله
==============
فد يوم كردي حط عبوة على الطريق العام فات الرتل ورة(3) دقايق يلله انفجرت ليش؟ خال جهاز حماية
==============
كردي شاف جماعة ديذبحون طلي كال ايبااه حتى الطلي كام يشتغل مترجم
==============
كردي وياباني اتراهنوا منو الاغبى الياباني كال احنه الغبي مالتنه يعرف يسوي موبايل فكال الكردي احنه الغبي مالتنه صار رئيس جمهورية
==============
كردي لزم خفاش وخرب من الضحك كال:اول مره اشوف فاره لابسه عبايه
==============
كردي ديصلي إجا واحد صديقه يريد يحچي وياه..كله ليش من دتصلي أريد أحچي وياك مترد؟ كال:اني من أصلي الله ماعرفه
==============
كردي راح للكويت .. من رجع ديحچي لجماعته كلهم هاي شنو الكويت رهيبة شگد انبياء بيها .. نبي نروح .. نبي ناكل .. نبي نشرب .. نبي نطلع .. نبي ننام .. لو اضل للصبح اعددهم ما يخلصون
==============
أكو كردي طلع يمشي تك رجل گالوله ليش گلهم اليوم فردي
==============
مرة كرديين اثنين راكبين ماطور يتعاركون عليگعد يم الشباچـ
==============
أكو كردي وگعت دشداشته من السطح بسرعة راح ذبح خروف سألو ليش ؟ گال لو آني بيها چان متت
==============
كردي راكب كية فطگ التاير الركاب گالوا بيها صالح وره نص ساعة اندعمو گالو بيها صالح وره ربع ساعة انفجرت يمهم عبوة گالو بيها صالح فنزل الكردي وگال إذا مايزنل صالح منها ماأصعد بعد
==============
عربى راح لمطعم بالشمال طلب لحم بعجين العامل جابله بس عجين
أكله وسكت وره شوية طلب مرة ثانية نفس الأكلة جابله نفس الشي گله متگلي ليش تجيبلى بس عجين
گل الكردى لعد احنه من چنه نجى لبغداد نريد صابون رگي تنطونة بس صابون
==============
كردي گلوله باچر عيد الحب گال : اهووو هاي اشون ورطة! هاي اشون صلاتها
==============
كردي اشتغل بالمرور شاف واحد ديسوق دراجة على تك تاير راح كتب بالمخالفه محاولة طيران
==============
كردي من أربيل طلع للشارع شاف واحد مكتوب على رقم سيارتة امارات ابو ضبي هو راح على سيارتة وغير الرقم كتب اربيل أبو علي
==============
نكات الدليم
طيار دليمي وگعت بيه الطيارة ... لمن لگوا الصندوگـ الأسود سمعوه يگول للمساعد: ماتفكلنه جامة الشباچـ شوية من يمك ؟
==============
دليمي سألو شنو رأيك بالكباب ؟ گلهم والله طيب لوما الشيش يوگف بالزردوم
==============
دليمي كمشتة سيطرة مال جيش المهدي گالولة انطينه هويتك گال مشايلها گالوله ليش گال مو مكتوب بيها دليمي وانتو تعرفون الوضع
==============
فد مره ثنين دليم ديلعبون ختيلان ضاعو
==============
دليمي ياكل دولمه وره الغدة ليش...؟؟ عبالة زنود الست
==============
شاب دليمي، كامش بيده سيم وواگف براس الدربونه.. گالوله: ليش؟ گال حتى البنات تگول عليه: شوفوا هذا ... شاب وسيم.
==============
دليمي مخيم بالصحراء، دخل عليه واحد گله: آني تعبان من الشمس.. گله: تشرفنه ، وآني حمادي من الأرض.
==============
دليمي قرة بالجريدة إنه بالصين كل دقيقة ينولد طفل.. گال: هذا التطور، خو مو مثلنه كل 9 أشهر.
==============
سألوا دليمي: انته اتدخن ؟ گلهم: والله من امشي ما اباوع ورايه.
==============
دليمي راكب بهليكوبتر... گال للكابتن: بروح أبوك ماتطفينه المروحه الفوگـ تراهه بردت شويه.
==============
دليمي طلع من سجن أبو غريب بعد فضيحة التعذيب.. گال لأمه: ما شفتيني بالصور؟ آني ثالث طيز عاليمنه.
==============
دليمية گالتلها جيرانها: آني مسويه ميك آب.. گالتلها: وأني مسويه شيخ محشي.
==============
دليمي راد يقلد كاظم الساهر نزل كاسيت رائحة القدمين.
==============
دليمي گله الطبيب: يوميه تمشي 10 كيلومترات... خابره وره شهرين گله دكتور آني هسه بعرعر... أرجع لو أطلع گبل؟
==============
دليمي گل لقاسم أبو الگص: فد نفر گص...قاسم گله:سفري لو بالصالة؟ گله: سوي مشكل.
==============
دليمي گل لابوه: يابه أريدها تكون بيضة وطويلة... گام جابله ثلاجه عشرين قدم.
==============
دليمي راح للحج، مطرت... خابر اهله گللهم: غطوا الاسمنت .
==============
دليم سمعوا عن المخطط الامريكي بالعراق قدموا على قطع أراضي بيه.
==============
دليم اثنين ديلعبون شطرنج... كلما يموت جندي ينصبوله فاتحه 3 أيام
==============
دليمي گالوله مرتك عدهه حمل خارج الرحم... گال: بت المنعول مو گلتلها ليلتها أعلگي الفانوس.
==============
دليمي يگلب بقوالب الثلج... يگول: ولا وحده حارّه.
==============
دليمي تزوج حضريه.. الصبح گللتله: صباح الخير حبيبي.. گال : الله ينعل ابو الانگليزي.
==============
دليم يلعبون على خط الرطبه السريع.. اللي ينسحگ مرتين يخسر.
==============
دليم ثنين بنقطة تفتيش گالولهم: هوياتكم أخوان.. واحد مد أيده.. اللاخ گله: والله بالحرام متمد أيدك.
==============
دليمي سكن ببيت يم ترفك لايت.. كلما يوج أحمر يذبح ذبيحه للسيارات الواگفه.
==============
دليمي گلوله: شنو رأيك بالدوندرمه؟ گلهم: والله طيبه بس الگلاص شويه يسوي عندي جالي.
==============
دليمي مرته جابت توم.. فرح حيل وگال للطبيبه: والله ما أطلعها من المستشفى إلا تاخذين واحد بشاره.
==============
دليمي زعل على مرته.. إجت ترضيه.. گالتله: أسويلك مساج؟.. گال: لا متعشي بره.
==============
دليمي معزوم بعيد ميلاد من خلصت الحفله گلهم: ياجماعه عود باچر عيد الميلاد عليّه.
==============
دليمي سافر بره دز لأهله صورته بملابس السباحه... دزوله ملابس.
==============
دليمي يعزي ناس.. شلون مات المرحوم؟ گالوله بحادث سياره.. گال شنو أثول؟ ميشوف؟
==============
دليمي أهدت له صاحبته ببغاء.. وره فتره خابرته وسألته: شلونه الببغاء؟.. گلها:عادي مثل طعم الدجاج.
==============
دليمي اشتره لمرته علبة كريم مغذي بشره.. گعد الصبح لگاها تريگ بيها الجهال.
==============
دليمي يگول: أحسن خمس أشياء بالدنيه تلاثه.. الچاي والگهوه.
==============
دليمي خابر مكتب خطوط .. گاللهم: بالله شگد تستغرق الرحله للهند؟گاله الموظف: فد لحظه.. سد الخط وگال لصاحبه: لا موبعيده كلش.
==============
دليمي الله وفقه بنه بيت ضخم الباب مالته من زجاج.. گام حطله عين سحريه.
==============
دليمي سألوه: إشگد كلفتك الروحه للحج؟ گال: خمسطعش ورقه غير المشروب والكاولية.
==============
مصري يگل لدليمي: إنته بتستعبطني ولآ إيه.. الدليمي گله: أسطع بطنك وبطن الخلـّفوك
==============
دليمي شاف وحده تستعمل الشسوار.. گال: وإحنه لي هسه بالرمادي نگصع الگمل بدينه.
==============
دليمي ديمشي عالجسر ويگول: أيباه غير بالكونه ضخمه
==============
دليمي گالوله شنو أصعب موقف بحياتك؟.. گال من ازين لحيتي وأني أعلچ.
==============
دليمي حب يتحارش بوحده وياه بالجامعه.. طخها فوگعن كتبها.. گام لمّلهياه كلهن.. گالت له: شكراً.. عذبناك.. گال: بالعكس.. لاعذاب ولا خره.
==============
دليمي گال له إبنه: بويه لازم أدرس بالخارج..گال:وأخوتك وين يخرّون؟
==============
دليمي گال لأبوه: بويه أريد (كيري).. گال له أبوه: والله ماتاخذ غير بت عمك.. گال له: بويه كيري جبنه.. گال أبوه: وبت عمك گيمر يبويه
==============
دليمي گال له إبنه: بويه إجازة السوق مالتي سقطت.. قال له أبوه:طبعاً.. من كثر دياحتك بالشوارع.
==============
ثنين راجعين من بغداد للرمادي ..يم البانزين خانه نزل السايق يشتري ببسي والثاني راح يبول..السايق جاب الببسي ونسه صاحبه وراح للرمادي ..أهل ذاك خابروه: لعد فلان وين مارجع وياك؟.. گال أهوووو.. أگول إلمن الببسي الثاني؟
==============
دليمي وگـّف تكسي گال له: فارغ؟ گال: نعم گال :متنزل نسولف شويه نگضي وكت.
==============
دليمي أشتره مرايه وتباوع لروحه بيها گال ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها.... يم الحلاق..
==============
گالوا لدليمي :شنو رأيك بالموز؟ گال والله طيب لوما نوايته چبيره.
==============
دليمي سوه عملية رفع كليه فنجحت العمليه گال والله مدام هيچ إلا أكررها.
==============
دليمي أشتغل مخرج تلفزيوني راح لأهله گاللهم سوولي راس بصل حلقات وانطوني الحلقه الأخيرة.
==============
دليمي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الچلب.
==============
دليمي يسوق تكسي ركبوا ثنين رايحين لملعب الشرطة گالوله:إذا ممكن نادي الشرطة الله يخليك.. گال: ليش متحلّوها بيناتكم اخوان.
==============
دليمي سألوه عن عمره گال 30 وره عشر سنين سألوه گال 30 گالوا شلون ماكبرت؟ گال: الرجال عدنه كلمته وحده حتّه لو ألف سنه.
==============
دليمي خابر صاحبه طلعله إبنه گاله: أبوك هنا؟ گال: نعم گال: عرفتني منو؟.. الأبن صاح.. بابا أكو واحد يريدك عالتلفون ميعرف هوه منو.
==============
دليمي گال لأبنه إذا تنجح اجيبلك مدرس خصوصي
==============
دليمية قرت بجواز رجلهه مكتوب( رجل اعمال) گالت سواهها الكلب واتزوج عليه.
==============
دليمي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.
==============
دليمي گال لابوه: بابا خل نروح لحديقة الحيوانات ابوه گال له: لاتستعجل ابني فد چم يوم همه يجون ياخذونه
==============
دليمي اشتره لابنه حاسبة شال الصفر منها گال حتى لتسجل عليّه مكالمات دولية.
==============
دليم ثنين يتناقشون الاول گال آني من اشرب الگهوه مااگدر أنام الثاني گال آني بالعكس من انام ما اگدر اشرب الگهوه.
==============
دليمي گال لجماعته: والله خدمات الحج بالسعوديه حيل محترمه وأنصحكم من تريدون تحجّون لا تروحون بس للسعودية.
==============
دليمي يطوف بالكعبة سمع الآذان سأل اللي يمّه گاله: بروح أبوك ماكو جامع قريب هنا؟
==============
دليمي واهسه بالتجاره سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟
==============
دليمي طگّت أموره بالتجاره جاب خدامه.. ثاني يوم تعاركت مرته ويه الخدامه.. گام عزل كل وحده ببيت.
==============
دليمي أشتره علچ أبو السهم ..صار الليل وهوه يعلچ.. گالوله نام.. گال: بالحرام.. ما أنام إلا أخلصه.
==============
دليمي راح للسليمانية طب بالمطعم طلب تكّه بدون ملح وبدون شحم..گال له الكردي والله كاكا ماكو عدنه شحم أسويلكياها بس بدون ملح؟
==============
دليمي عرس سكتاوي حط كاسيت فارغ بالمسجل.
واحد من المدعوين عجبه الشريط طلب منه نسخه مسجله.
جيرانهم دگـ الباب حيل منزعج گاللهم :يأ أخوان نريد اننام متنصون صوت المسجل شويه.
==============
دليمي تعين بالأمن السري مال الكعبة شاف واحد يطوف گاله : شعندك ولك تفتر هنا؟
==============
دليمي شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟
==============
دليمي شاف نافورات هواي ببغداد گال : حيل..!! شكثر بيها بوريات طاگه.
==============
دليمي شاف المصلحة أم طابقين ببغداد واگفه..داخ.. گال ياساتر اشلون حادث رهيب..شصعّدها وحده عاللُخ
==============
دليمي سألوه: ششفت ببغداد؟ گال السفن آب.. گالوا شنو يعني ؟ گال بطل تفتحه لو تلحگ تشرب منّه لو لا.
==============
دليمي وكردي يتمشون بالمزرعه..الدليمي سأله:جاي تشوف هاذا ابو الزعر(نوع من الطيور) المصنگر مثل الصلّ فوگـ الشجرة؟.. الكردي گال متعجب: زين شنو معنى كلمة شجرة؟
==============
دليمي راد يتعرف عله بنيّه گلها شسمچ؟ گالت:أسماء.. گال: أها..يعني مو إسم محدد؟
==============
طالب دليمي سأله المعلم:من هو النبي الذي كان يكلم الحيوانات؟ گال: سيدنا طرزان عليه السلام.
==============
دليمي أتصل بالأطفاء گاللهم:شنو إذا ماكو حريق منشوفكم يعني؟
==============
دليمي گال له أبوه روح إغسل وجهك راح يجونه خطار..گال وبلكي ما إجوا؟
==============
دليمي كمشله مصري يريد يبسطه.. گال المصري(سبني ياوله) گال له الدليمي(والله لانعل أبوك لابو الخلـّفك).
==============
دليمي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.
==============
دليمي سأل أبو المحل:عندك تلفزيونات ملونه؟ گال له نعم.. گال فد واحد أزرگـ للجهال الله يخليك.
==============
دليمي گال لصاحبي :بالله شوف ألاشاره مال السيارة تشتغل؟ فگال له صاحبه:إي .. لا.. إي.. لا.. إي.. لا
==============
دليمي راح يحج شاف الناس تشمر حجار گال: أيّباااااااه ....... لهنا وصلت إسرائيل؟
==============
دليمي گال لأبنه إذا نجحت هالسنه أشتريلك رولز رايز وإذا زمال مثل كل سنه أخليك على الـ بي أم 2000 مثل الكلب.
==============
دليمي گال لمرته الحضريه: شراح ناكل اليوم؟ گالتله: مسويه رجيم گال اي والله ماضايگها.
==============
دليمي بنه بيت مدوّر... گال لمرته:هم گولي بعد حابسني بين أربع حيطان؟
==============
ثنين دليم يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال: وأني سممتلك الهوايش كلهن.
==============
دليمي بيده موبايل ويصيح: دوري زين الله يخليچ ..فمر من يمه واحد إستغرب من صياحه فاخذ الموبيل منه لگاه يگول:الرقم المطلوب غير موجود بالخدمة
==============
دليمي راح للدكتور گال: دكتور.. انا كل مكان بجسمي أگيسه يعورني..كشف عليه الدكتور لگه اصبعه مكسور
==============
دليمي اول مرة يركب سيارة ...اشتري فراري.. فتح الراديو گالت المذيعة هنا لندن .. گال أيباه...يلعن ابو السرعة.
==============
دليمي راح للصيدليه طلب كارتونين نيفيا، الصيدلاني گال له: إشدعوه هالكميه؟ گال له الدليمي: يمعود بس خادمك حمودي يتريگ باليوم باربع علب.
==============
دليمي عمره 8 سنوات يسوق سيارة ، سالوه منينلك؟ گال: كتبت لأبويه ويه القرطاسيه مقطاطه أم السياره، جابليّاها ويه المقطاطة.
==============
دليم تلاثه أخذوا مقـاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..غاب اللي عليه شغلة مد الكيبل.. الجماعه إستمروا واحد يحفر
وواحد يدفن.
==============
دليمي كل مرة يطبگ باب الثلاجه على كيف .. گالوله ليش؟.. گال: أريد أعرف منو يطفي الضوه جوه؟
==============
دليمي سأله صاحبه: مالگيتلك مصري يساعدك؟ گال له: والله لگيت سوداني شغلته مصري عندي.
==============
دليمي إحترگـ بيته... إجوا الأطفاء.. گلهم: بالحرام، ماتطفونه إلا إتعشّون.
==============
دليمي دز لمرته ثريات ثنين كرستال... خابرها: شنو رأيچ بيهن؟ گالتله: حلوات حيل... بس مو شويه كبار على الإذانات.
==============
دليمي طلع من السينما... گالوله: شلونه الفلم؟ گال: ليش هوه آني لحگت أسلم عالگاعدين حتى أشوف الفلم؟
==============
دليمي گل لصاحبه: سمعت بهذا اللي وگع من عمارة عاليه و3 أيام يالله وصل للگاع؟ گله: ومات؟؟ گله: شوف هذا الغبي يگللي مات..أگلله3 أيام لا أكل ولا شرب عجل شلون مايموت؟
==============
دليمي گال لمرته: اليوم أريد منّچ رومانسيات، خابرت لأمه سألتهه: شنو رومانسيات؟؟ گلتلهه: والله يمه ما أعرف، بس للإحتياط نگعي الباگلة وإسلگي اللحم.
==============
دليمي اشتره لإبنه شبح، گال له: مشي بيهه حالك لما أحصلك لاده زينه.
==============
دليمي گال لأبوه: يابه أريد أدرس برّه.. گال له: خللي أمك تفرشلك بالطرمة.
==============
دليمي قدم على وظيفة گالوله: شنو شهادتك گال: ابتدائية، وأعرف واحد يدرس بالصناعة.
==============
دليمي راح لامريكا شاف شباب مكتوب على ملابسهم دعاية مال كوكولا رجع للبيت كتب على الدشداشة دعاية مال شربت نومي بصرة
==============
دليمي نزل للمدينة فلگه سوداني يبيع ازبري بعربانة گالة :انطينة فد ماعون فانطاه السوداني ماعون فطلع خبزة وگعد يثرد فضحك السوداني گلة: عليش تضحك على صخام وجهك لو على مرگتك؟
==============
دليمي گال لكردي أريد ابيع سيارتي التويوتا بسعر غالي شلون؟ گاله الكردي بسيطه شيل علامة تويوتا وحط علامة بي ام
وره اسبوع سأله الكردي : بعت سيارتك ؟ گال الدليمي: من كل عقلك انته ، أكو واحد يبيع سيارة بي ام؟
==============
اكو واحد دليمي صعد بالطيارة شاف واحد طلب عصير برتقال فوگاه شيف برتقال گلهم آني أريد گلاص حليب فوگاه شيف هايشة
==============
دليمي لابس حزام ناسف و حاط گـُرصة خبز بحزامة فسألوه ليش گـال: أريد أسويهن ثريد
==============
مرة دليمي سجل اختة بمن سيربح المليون :حتى يشوفها تتصل بيا صديق
==============
دليمي ضاگت بي الدنيا بالعراق راح للسعودية گلهم شغلوني گلوله شنشغلك گلهم أي شى حتى لو خادم الحرمين
==============
دليمي اشترى بي ام بمواصفات خاصة، بيها كمبيوتر يصلح كل شي يدعمه! حب الدليمي يجربها فدعم بالباب اللي عاليمين، فرد الكمبيوتر: يا أيها الباب أرجع كما كنت، فرد ودعم بالباب اللي عاليسار، فرد الكمبيوتر يا أيها الباب ارجع كما كنت! عجبته السالفة فگام جربها وطار من فوگـ الجسر!! فرد الكمبيوتر: ياأيتها النفس المطمئنة ارجعي إلى ربك راضية مرضية
==============
دليمي يحچي لمرته شگد شاركت بمعارك وانتصرنه وهيچي ضربنة العدو ومرة بطلقة وحدة كتلت خمسين واحد كلتلة مرتة هيچ انته شجاع ؟كلها إي والله حتى اتذكر بوحدة من المعارك استشهدت
==============
دليمي في لحظة رومانسية مع زوجته سألها بيش دتفكرين ؟ گلتله مثلك گال : لك هاي تريد تزوج عليه
==============
دليمي إجته ورقة الماي مية ألف دينار گال يمكن آخر مطرة چان على احسابي
==============
نكــــــــــــــات المصـــــــالوة
==============
مصلاوي گالوله أتبرع لبناء سياج للمگبرة گالهم ماسمعنه فد يوم ميت منهزم
==============
اكتشف العلماء البريطانيين ان الابو بريص أصله تمساح لكن قام بتربيته واحد مصلاوي
==============
أربع مصالوه لعبوا مونوبولي ... محد اشترى شيء
==============
مصلاوي جاب حبر انتخابات بالعيد ليش حتى محد ياخذ چكليت مرتين
==============
مصلاوي دز ابنه على تلث گرص خبز من رجع الإبن گاله أبوه : بابه رجّع وحده امك ماتت.
==============
تلث مصالوه نايمين بالغرفة ومشغلين البنكة على رقم خمسه دخل أبوهم بالتوثية يصيح:ياچلاب.. تلاثه ومشغلين البنكة عالخمسة
==============
مصلاوي حط فلوس بالبنگ.. يوميه يمر ويدگـ عالتنكة يخاف لينام الحارس.
==============
مصلاوي واگف بالبلكونة... إبنه إجه من بعيد يصيح: بابه بابه بابه بابه... گاله: ولك .. إبن الچلب.. بابه وحده كافي.
==============
مصلاوي مات... لگوا بوصيته مكتوب ( آني غاسل.. لا تغسّلوني ).
==============
مصلاوي ديموت.. شاف ولده كلهم يم راسه.. گعد گال: مناعيل الوالدين كلكم هنا.. لعد منو بقه بالدكان؟
==============
مصلاوي زوّج ابنه.. گاله: بابه.. تره هذي إنته وأخوتك بيها.
==============
مصلاوي گل: لإبنه إذا نجحت أراويك واحد يشرب ببسي.
==============
مصلاوية محششة تحچي ويه نفسها: آني أحب آكل برغل هوايه بس ما أدري آكل برغل يحبني لو لا؟
==============
مصلاوي مات ابوه... گله المغسلچي انطيني 1000 دينار مال الغسل. گال: إشدعوه؟ قابل مغسل بي أم؟
==============
مصلاوي مات ابوه حط لافته بالسوگـ: يونس ينعى اباه ويصلح الساعات.
==============
مصلاوي بالسوگـ إبنه گله : بابه أحب النستله... گله: بابه حبها ورجعها.
==============
مصلاوي تزوج راح شهر العسل لوحده.
==============
من معتقدات المواصله انه لازم واحد يسمّي قبل الأكل(يقول بسم الله)وإلا أكل ويّاه الشيطان..مصلاوي ما ياكل غير البرغل أربع سنين..أخر شي طلعله الشيطان گال له:أخي العزير..مو روحي طلعت من هالأكله..لو تغيرها.. لو تسمّي قبل الأكل
==============
مصلاوي أحترگـ بيته سوه مسكول للإطفاء
==============
مصلاوي گال:إذا إجاني ولد أصوم خمس تيام.. صار عنده ولد.. صامهن.. وره فتره مات الولد.. گال: إلا أخصمهن من رمضان.
==============
مصلاوي گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيها يمي حيل.. گالوا: واذا بردت حيل حيل حيل؟ گال اضطر اشعلها.
==============
مصلاوي گال لجهاله اللي ينجح هالسنة أراويه سيارة الموطا.
==============
مصلاوي سأل مرته إشطابختلنه اليوم؟ گالت باگله ودهن، گاللها حــــيل!! طبختيهن بفد وجبه؟
==============
مصلاوي بنه بيت... كتب عالباب: (ع) الحسود بيهه (أ) عود.
==============
مصلاوي طاح من السطح.. هوه وواگع مر على شباچـ المطبخ.. گل لمرته: لتحسبين حسابي عالعشه
==============
مصلاوي گال لولده: اللي مايتعشه اليوم انطيه ألف.. گاموا كلهم ماتعشوا وأخذوا ألف ألف... بالليل گام باگـ فلوسهم ، الصبح گاللهم: اللي مضيع الألف مالته ميتريگ اليوم
==============
تصنيف أفلام المصالوه
انباك جزداني (كوميديا)
دايني فد دينار (رعب)
وگع ربع بالبلوعة (خيال علمي)
انطيني عيديه (مغامرات)
==============
مصلاوي اجة يمة خطار گله متغدي گله لا والله گله حرامات لو متغدي چان صبيتلك چاي
==============
مصلاوي ديحچي ويه خطيبته بالموبايل گالتله راح يخلص رصيدي دگـ عليه! گلها إحنه وصلنه طريق مسدود ولازم نفترق
==============
مصلاوي طلعله بيت في الجنة أجرة وگعد بالنار
==============
مصلاوي ذبح خروف سوه اللحم كباب والراس باچه والفرو سجاده والاحشاء سماد والعضام طحنها علف للدجاج وحتى صوت الخروف خلاه نغمة للموبايل
==============
مصلاوي راح لمحطة وقود وسأل العامل گله بيش القطرة الوحده من البانزين. گله العامل ابلاش گله خوش عبيلي الخزان قطره قطره
==============
نكــــــــــــــــات الناصريــــــة
==============
ثنين من الناصرية مسلحين لزموا واحد گلوله إنته ويانه لو ويه ذيچ الجماعة گلهم آنه وياكم گالوله إحنه ذيچ الجماعة
==============
ناصريه بالسينما، ماكو غيره وواحد لاخ.. گام گعد وره ذاك وگله: بلكي شويه تدني راسك اخي.
==============
ناصرية أعمى، تبرعتله مرته بعينها.. وره العملية گلها: وفوگاها عوره؟ گام طلگها.
==============
واحد ناصريه أبوه مانطاه عيديه ... كتب عالباب: يعيش الزرقاوي.
==============
جريدة بالناصرية نشرت صورة واحد يعبّر فد أعمى الشارع، كتبوا جواها (متى تنتهي هذه الظاهرة؟)
==============
شيخ جامع من الناصريه قرر يسوي محاضره للعميان عنوانهه: نعمة البصر.
==============
ناصريه صب لأبوه گهوه.. گله أبوه: شخبار الخباثه؟ گلله: نص الدله ديتول
==============
أمريكي انخطف بالناصرية.. وره فترة هدوه.. سألوا الصحفيين : ممكن تگلنه إششفت بالأسر ؟ گال: ماگولن.... بكيفي.
==============
واحد ناصريه گل لحرامي علمني البوگـ واعلمك الخباثة... الحرامي باگـ محفظة گدامه گله شوف شلون أبوگـ .. يالله علمني الخباثة... الناصريه گام يصيح: حرامي.... حرامي...
==============
ناصرية صوّر الدفن مال ابوه بالفيديو.. كل شويه يراويه لأمه.
أمه همينه عالعناد كلما تشوف الفلم تگوم تتحمر وترگص.
==============
ناصريه گل لمصلاوي: إش تتمنه؟ گال: يموت أبويه وأورثه؟؟ وإنته؟؟ گال: ينكتل أبويه ويموت حته همينه الورث وهمينه الفصل.
==============
ناصرية يوصي ولده: ما أوصيكم بالخباثه ويلادي ...الخباثه الخباثه.. ثم الخباثه. گالوله: ولايهمك... لمن مات ذبوا جثته بالزباله.
==============
تلاثه من الناصريه رادوا يبوگون بنك، فقسموها بيناتهم: واحد يبوگـ و واحد يراقب ........ وواحد يروح يبلغ الشرطة.
==============
ناصرية فتح مدرسة للخباثة.. لما كمل عدد الطلاب سدهه .
==============
ناصرية شاف واحد يحترگـ إنتظر شويه وراح طفاه.. گال: حته يعيش مشوه.
==============
واحد ناصريه... طرده أبوه من البيت... كتب عالباب: مقر حزب الدعوة الرئيسي.
==============
واحد ناصريه لگفله رقم موبايل مال جني..گام كل شويه يدزله مسج (بسم الله الرحمن الرحيم).
==============
واحد ناصريه ببرنامج طلبات الاغاني گال: وأهديها الى صديقي بمناسبة وفاة والدته
==============
واحد من الناصريه عينوه مدير شرط غير رقم النجده من ١٠٤ إلى 940984356743653429860
==============
صرصر من الناصرية عزم جماعته عالعشه يمّه..أول ما إجوا..سحب السيفون عليهم.
==============
حرامي من الناصرية طب لبيت يبوگـ مالگه شي..خابر رقم بأمريكا وخله السماعه مرفوعه للصبح.
==============
واحد من الناصريه إشتغل مدير دار الأيتام..گاللهم راح أسوي أجتماع مجلس الآباء
==============
واحد من الناصريه سوه حفلة زواج.. وزع بطاقات بيها الجمرة الخبيثة.
==============
ناصريه فتح شركة بيبسي كتب عالبطل: رج القنينه جيداً قبل الاستعمال.
==============
واحد ناصرية إتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گل له نايم.
==============
واحد أمّه من الناصرية اخذ دبة الغاز يعبيها گلها : إدعي لي يمّه، گالت : الله يفتحها بوجهك وليدي.
==============
ناصرية اشتغل بالدفاع المدني گام عبا خزانات الاطفاء بانزين بدال الماي .
==============
ناصرية دخل بالشته يبوگـ فد بيت ، ما لگه شئ بس لگه عجوز أمگرمه وبردانه ومتغطية باللحاف.. گام فتح المكيف عله أعلى درجة وطلع.
==============
واحد ناصرية يرجم الشيطان وهو متلثم سألوه الناس ليش؟؟ گاللهم: يمكن أحتاجه فد يوم
==============
ناصريه لگه حراميه يتقاسمون گال انطوني حصه وما ابلغ عنكم هالإسبوع.
==============
واحد ناصريه سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على اغنية (الحياة حلوة).
==============
واحد ناصرية سمع أكو مجاعة بأفريقيه ،گام دگـ رقم لأعلى التعيين بالصومال، وتدريع وسد السماعة .
==============
مصلاوي راح للناصرية... گاموا وين مايشوفوه يذبون فلوس گدامه.
==============
واحد من الناصرية إسمه رزق الله.... صار عنده ولد سماه گاطع.
==============
واحد ناصريه ديموت.. بآخر نفس ويوصي ولده بالخباثة... أخير شي راد يتشاهد، گام الزغير سد حلگه.
==============
ناصريه شاف واحد يصيح: راح أغرگـ الحگلي يمعود ... گاله: أخي هذا يومك وهذي إرادة رب العالمين... تعذرني
==============
واحد ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل
==============
قاضي بالناصرية حكم على أحول يلظم أبر خياط مؤبد.
==============
فقير جوعان گال لواحد ناصريه أنطيني أي شي آكله جزاك الله خير.. گام إنطاه فاتح شهية
==============
مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق طفر موانع
==============
ناصرية واگف بالباص شاف وحدة موحلوه ضحكلها هيه هم كيفت وضحكتله، غمزلها غمزتله.. گالها بالمنطقة الجاية إنزلي.. نزلت گعد بمكانها
==============
فيترچي كاتب قطعه (تفصيخ سيارات)، بالليل إجه واحد ناصريه بدل الصاد خاء وانهزم
==============
واحد ناصرية عنده سرطان گال لابنه اذا متت كول چان عندي إيدز ، علمود أمك محد يتزوجها
==============
ناصرية لزم قناني الغاز وصبغها احمر وكتب عليها مطفأة حريق
==============
واحد ناصرية چان يبچي على القبور سالوه ليش تبچي گال مو سمعت البچي يأذي الميت
==============
نكات صدام حسين
==============
طه محي الدين معروف سمع نكتة من صدام ضحك وگال قوية خرة بعرض السيد ابليسك
==============
في أثناء الحرب العراقية الأيرانية أتى كبار ضباط صدام وقالوا له: سيدي تره الناس تسأل وتكول ليش عدي أبن صدام لم يشارك في جبهات القتال كباقي العراقيين؟! صاح صدام على الحماية وطلب منهم أحضار عدي فورا. جاءوا بعدي على عجل فسأله صدام بعصبية: أبني قول أربعة. أجاب عدي: أغغغغغغغغغغببببععة لعدم مقدرته لفظ حرف الراء. فألتفت صدام لضباطه وقال: حاسديني على هذا المعوق!
==============
يحكى أن جثة صدام أخذوها للتغسيل قبل الدفن. وبينما كان أثنان منهم منهمكين بعملهم ويتصبب العرق من أجسامهم لشدة الحر‚ قام ثالثهم وفتح الشباك. هبت نسمة عليلة فصاح الله اشلون هوا طيب أيرد الروح. فصرخ الأثنان معا يامعود ارجوك سد الشباك لايروح يحتيي هذا المجرم.
==============
في أحد الايام بعد حرب أم المهالك وبعد سنين من حصار صدام والغرب القاسيين‚ كان هناك رجل يترنح قهرا وجوعا في شارع السعدون أحد شوارع بغداد الرئيسية ويلبس ملابس رثة بالية يؤشر على سترته المهترئة ويصيح بأعلى صوته الله أيساعد امريكا... الله أيساعد امريكا. وعندما طوقوه رجال الآمن والمخابرات وسئلوه ماذا تقصد ب الله أيساعد امريكا؟ فأجابهم اذا أحنا أنتصرنا بالحرب وصار بينا هذا الحال فشلون حال امريكا التي خسرت الحرب كما يقول الريس!
==============
قرر صدام في يوم لم يعرف له سر تبديل نظام حكمه من ديكتاتوري شمولي الى ديمقراطي تعددي. جمع صدام وزراءه وأعضاء مجلس قيادة الدولة وأبلغهم بالقرار الجديد. أبدى كل أزلامه أمتعاضا وأعتراضا على التحول الى الديمقراطية وقالوا مسترحمينه : ياسيدي عدل بدل إحنه مرتاحين بالدكتاتورية والشعب أتعود على المذلة والقهر ودنمشي الشعب مثل ما أنريد وماكو دوخة راس ولا قال وقيل. أصر صدام وقال هذا قراري الاخير وبما أنني مقبل على الحكم الديمقراطي خلي أنسوي تصويت وكل واحد يبدي رايه وهو حر أمن. طلعت نتيجة التصويت وتم أرسالها لوكالة الانباء العراقية لنشرها في الاخبار. وفعلا تم نشر الخبر في الاذاعة حيث قال المذيع: بعد فرز الاصوات تقرر التحول الى النهج الديمقراطي ذلك بعد فوز الجانب الديمقراطي بأغلبية صوت واحد ضد عشرين صوت. وليخسئ الخاسئون!
==============
في أحد رياض الأطفال في بغداد‚ قالت المعلمة : أعزائي الحلوين العراق جنة الله في الأرض ‚ غنية بالأكل والماء العذب وكل البضائع اللي يحتاجها ماما وبابا. وكل الاطفال فرحانين تغني وتلعب ويروحلهم بابا صدام ينطيهم نستله وچكليت ولعابات حلوة. وفجأة سمعت المعلمة بكاء طفلة في الصف. سألتها: هاي شبيچ حبيبتي ليش تبكين؟ جاوبتها الطفلة وهي تبكي: الله يخليچ ست ‚ عفيه وديني للعراق!
==============
في أحد مؤتمرات الأنواء الجوية العالمي بدأت الوفود المشاركة بشرح مناخ بلدانها وتقلباته. فأثنى الأوربيون على أعتدال مناخهم وعن وفرة الامطار وأزدهار الزراعة والغابات وما شابه. وكان الوفد الأمريكي مادحا تنوع الطقس في القارة الامريكية ولطافة المناخ في العديد من الولايات. جاء الدور للوفد العراقي الذي كان عدد رجال الأمن المرافقين أكثر بكثير من ما هو مطلوب في مثل هذه المؤتمرات العلمية. تحدث الخبير العراقي بأمانة عن سوء المناخ في العراق حيث حر الصيف في ساعة الظهيرة يكاد يحرق كل شئ حي والعواصف الرملية الحمراء والصفراء تزحف بالصحراء فتأكل الاراضي الصالحة للزراعة قبل عقول ربات البيوت. أما الشتاء فالامطار أصبحت شحيحة وأن من الله علينا ببعض المطر‚ طافت المجاري وغرقت الطرقات بالمياه والاطيان. وأثناء هذا التقديم رمق رجال الامن المرافقين ذوي الشوارب الغليظة والقسمات المخيفة الباحث العراقي ذو الحظ السئ بنظرات شريرة يفهم منها أنه تعدى الحدود الامنية وقد يلاقي ما لايحمد عقباه . فأستدرك الرجل ليصلح الموقف وقال للحضور: طبعا هذا الكلام لشرح حالة الطقس في العراق ما قبل ثورة 17-30 تموز المجيدة. وقد تحسن المناخ كثيرا بعد شموله
==============
في يوم من أيام غزو صدام لجيران العراق ‚ ذهب صدام لتفقد الجنود بالجبهة. سأل الجندي الاول: ما أسمك؟ رد عليه الجندي بثقة: جبار سيدي. وشنو هذا الذي بيدك؟ أجابه الجندي: سلاحي سيدي. بأسرع من لمح البصر أنهالت صفعة مدوية على وجه الجندي المسكين. قال صدام بغضب: لك لا ياحمار هذا عرضك شرفك زوجتك. سأله صدام مرة ثانية: هذا شنو؟ أجابه الجندي تعيس الحظ: هذا عرضي شرفي مرتي سيدي. أنتقل صدام لجندي ثان مغلوب على أمره وسأله: وأنت ما أسمك؟ رد عليه المسكين وهو يرتجف: عبدالله سيدي. وهذا شنو الذي تحمله؟ أجابه الجندي مرتبكا: زوجة جبار